|
Wê kim, ro hiltê ye
Menga zere pê ye
Şêşims dîvanbegê xwedê ye
Wêkim ro hilat e
Mizgîne welat e
Destê Şêşims daye pira doje selat e
Wê kim, hil tê roj e
Şêxê nûrî bişkoj e
destê Şêşims daye pira serat û doj e
Wê kim, hiltê şems e
Me wê nedîye tu kes e
Weke bave, weke pise
Sunetxane nav dikrê Şêşims xalis e
Wê kim, hiltê tave
Hetanî here ava
Sunetxane nav dikrê Şêşims tewave
Wê kim hiltê qemer e
Şêşimsê ser kursîya zer e
Daye nûr neder e
Sunetxane nav dikrê Şêşims deher e
Ro hatîye érşan e
Hilatîye manga giran e
Nûr, nedera Şêşims daye masîya binê behran e
Ro hatîya érşa mîr e
Şêşimsî wezîr e
Nûr, nedera Şêşims daye masîyê behrê kûr e
Wê kim mizgo ye
Ro hatîye nîvro ye
Nûr, nedera giran jê diçû ye
Ro hatîye érşa ser me ra
Wa feqîra jê xeberda
Nûr nedera Şêşims ji ézmana daye erda
Ro hatîye érşa jûr e
Şêşimsî xefûr e
Nûr nedera Şêşims daye masîyê behrên kûr e
Ro nîvro dagerîya
Şêşims gote welîya
.............
Ro çûye érşa teng e
Şêşimsî pereng e
Mêra wê danî oxilme ceng e
Ro çûye têştan e
Hilatîye manga giran e
Go:"Em herin silavgeha Dawûdî bin Derman e"
Dawûdî bin Derman e
Omerê xalan e
Gavanê Zerzan e
Şêşims û her çar biran e
Hezmaman pîrê çil pîran e
Ew Dawûdî feqîr e
Rawa li nêçîr a
Em herin silavgeha Şîxadî, mirazê me qapîyê mîr a
Wê dikim qiset ê
Şerê marîfet ê
Şêşims heye çira ber sunet ê
Wê dikim gotin ê
Şêro tuyî xandin ê
Nav dikrê Şêşims deher bûye din ê
Tu bavê Al-Reşî
Şêro tuyî Lalişî
Derge dîwanê xwedê te jî
Tu bavê Şêx hesenî
Welîkî bor bezînî
Tu bînaya çavanî
Tu hizreta Sultînî
Sunetxane nav dikrê te sekinî
Tu bavê Amadînî
Welîkî bor bezînî
Tu bînaya çavê minî
Tu hizreta sultanî
Sunetxane nav dikrê te sekinî
Tu bavê Heyamadî
Dermano tuy yî wefadî
xwezla min wê ruhêda, Şîxadî xwe lê bivêredî
Mek suk dînê bajara
Rastemal tê hene hezar a
Xweyî kore, nayê tu dîndar e
Îmanê bermedin
Cewara ser medin
Mezin meydanê meleka hûnê serbin
Îman wisane,weke çav e
qasî mû ketîye nave
xweyî destanî bê gave
Ew muyê ten ê
tarî kirîye din ê
Xweyî kore, nayê ber xwendinê
Tu bavê sityê yî
Rûniştî ser kursîyê yî
Sunetxana te maye hîvîyê yî
Tu bavê stî Nisretê
Runiştî ser sovetê
Sunetxana te maye hidretê
Tu bavê stî Gulan ê
Runiştî wê dîwan ê
Sunetxana te maye wedan ê
Şîxadî,Şêxsin in
behrê wana mezin in
Lêşkirê giran, nefûsê wan diçin,
nifûsê wan disekin in
|
