Çendî roje û çendî şeve
Ez fikirî me ber xwe ve
Min masiyek di behrê de dît durek di deve
Ew behre wî masî û wê durê di kêşe dev xwe ve

Aqûb dibêje:şêxê minî ji sirê
Heger ne ji ber wê behrê
Ne ji wî masî ne ji wê durê
Dê çawa min û te mêwîj dîban li ser wê berê
Şêx dibêje:Aqûb min divê mêr î mîr bî
Wekî şêrê nêr bî
Bi jîriya xwe himberî Şêx bî

Aqûb dibêje:Şêxê mino, mêr ney mêrdare be
Bi îlmê xwe ney siwar be
Li axretê Şêxê wî jê bê zar be

Şêx dibêje: Aqûbo, peza stewr nedoş
Rastiya dilan bi pûl nefroş
Nebe muhbê xelkê îman li koş

Aqûb dibêjit:şêxê mino, zêra navêje zikakan
Ji êk veke xaman û pakan
zarok nayên li eslê makan
kesê kesan xweşdivî
kêr nayê lê bişik kevî
Tov nayê li qameta zevî

Ev zeviya ser sedê ye dirêj
Ye paqije ye bê toze ye bê qirêj
tê heye suret û tehiyat û nivêj

Ew zeviya zêde Tu sê gêsna lêde
Ji wê paştovê xwe pavêje têde
Ne ku tu bi dînî, tovê xwe li hişke beyaran bireşînî
Da li axretê stirya jê hilînî
Biçîne weke tu dzanî
Pavêj tovekî pir deqanî(bê çeqanî)
Da xudan xenê be bi dexl û danî

Ev zeviye dewlete
Xwedê dexlekî zaf wê bide te
Gelek xelik bi hesûdî wê binêrin te

Şêx dibêje:Aqûbo, jêk dûrin serekanî û hişkero
Heta hişkero av pêde tê
Serekanî dighêje ber mewlê

Aqûb dibêjit: şêxê mino,sir ye sara an germe
Ew kanî çî binyat jiber me
Xwe kirye lê nayê çû deman

şêx dibêje: Aqûbo, wexte tu ji pişta bavê huryay
Û li ber dayê meşyay
Ji kengî ve bi vê mérîfeftê hisyay
Aqûb dibêjit: şêxê mino, wextê ji pişta bavê bûme
Li ber dayê çûme
JI hingî û vir ve ji wê mérîfetê bi xeber bûme

şêx dibêje:Aqûbo, wextê ji pişta bavê pîr bûy
Li ber dayê bi şîr bûy
Ji hingî û vir ve ji wê mérîfetê bêxeber bûy

Aqûb dibêje: şêxê mino, wextê ji pişta bavê kal bûme
li ber dayê tifal bûme
Ji hingî û vir ve ji wê mérîfetê bê xeyal bûme

şêx dibêje: Aqûbo,wextê qalibê Adem pêxember nijinî
Ruh berdayê pê nigijî
kî bû got şukkir ji xwedê û têr bijî

Aqûb dibêje: şêxê mino, wextê qalibê Adem Pêxember sewirand
Rûh ji qendîlê îna û tê eliqand
Melik Fexredîn li wê bo vêre sediqand

şêx dibêje:Aqûbo, wextê qalibê Adem Pêxember çêkir
Bi ser û dest û pê kir
Ew kî bû kasa qudretê lê kir

Aqûb dibêje, Şêxê mino, wextê qalibê Adem Pêxember bûye
Çêkir û temam bûye
Bi firwara Siltan Êzî pêya çûye

şêx dibêje: Aqûbo, da em xeber bideyin ji Adem û pal ve
Av hebû ne dihate bicohyan aşve
Ewan çî dixwar mehan û sal ve

Aqûb dibêje: şêxê mino, wela
Ewin milyaketên wî mutewela
Xwarina wan şukrîn bû El-hemedila

Ew bûn melekên sekinîne
Ji nûra Îlahîne
Xwarina wan El-hemidillla û şukrîne

Ewbûn melekên wî yên cebêre
Xunduna wan ji dêre
Ewan tiştek ne dixwar ji rehmata Xwedê dibûn têre

şêx dibêjit:Aqûbo, ezim lawê riwala
Min go revend (124)hezar siwara
Ez dê çim, min rastiya xwe ne gote çû yara

Aqûb dibêjit:Şêxê mino, ezim Aqûbê Mûsa
Hey fexro yî fêrisa
Tu rûnê li meclisa
Yê wekî Agûbê Mûsa
şêx Fexrê Adîyan jê bike pirsa

Şêx ji Aqûb pirsiye
Aqûbo, tu bi îsnî key bi cinsî ye
Bi Melekê bêriye dê rastiyê bo min bêjî ye
Min ecêbek dî ye
Welat û ber welat geriye
Ne éyare ne muye
ne zimane ne gewrî ye
şaristana qewî bi rû ye

Aqûb dibêje:Şêxê mino, ya te dîtî ne écêb e
Deftere û kitêbe
tê heye îlmê ji xeyb e
Alimê we nemabû çû kitêbe

Şêx ji Aqûb dipirsiye
Tu bi manîke bi cinsî ye
Bi melikê bêrîye
Dê rastiyê bo min bêjîye
Bêje min jehra marî ji çîye ?

Aqûb dibêje: şêxê mino, ew mane li ba min hene
Erdek nîne hukmê xwedê lê ney
Jehra maran ji xozîya filêne

Filên xozîya xwe avêt e
Mar gehiştê di mêt e
Yekser jehra xwe jê digirêt e

şêx ji Aqûb di pirsîye?
Tu bi insîkî bi cinsî ye
Bi melikê bêrîyê
Dê rastiyê bo min bêjî ye
Nijara vê dinê ji kengî heta kengîye?

Aqûb dibêje: Şêxo dest î bi zebûn e
Deng dikirî bi nehîn e
nijyara vê dinyayê ji şembu heta bi în e

Li şembûyê dana esas e
Li înîyê kir xelase
Piştî heft sed sale heft sir hatine dur û kase
Li çarşemê birî kirase

Şêx jiAqûb dipirsîye
Aqûubo, tu bi hisnê key bi cinsîye
Bi melikê bêriye,dê rastîyê bo min bêjîye
Nîveka vê dinê li ku di bîye?

Aqûb dibêje:Şêxê mino, min zor dîtin yî bi delîl
Tê hene sidiq û sebîl
Nîveka vê dinê qudis û xelîl

Şêx ji Aqûb dipirsîye?
Aqûb tu bi inaîkî bi cinsîye
Axa jiber qalibê Adem Pêxember mayî li ku dibîye?

Aqûb dibêje: Şêxê mino, min bax dîtin meksûre
Lê dixwînin şalûl û bilbile
Axa jiber qalibê Adem Pêxember mayî
pê avakir Beytil Mamûr
Şêx dibêje: Aqûbo, hin dî li wê mabû
Aqûb dibêje:Şêxê mino,alimê we nemabû
Dara xurmê jê peydabû

Şêx dibêje: Aqûbo, hin dî li wê mabû
Aqûb dibêje:Şêxê mino,alimê we nemabû
Hemû tişt jê peydabû
şêx dibêje: Aqûbo,hin dî li wê mabû
Aqûb dibêjit:Şêxê mino,alimê we nemabû
Cin teyar reviya bû
Li ser çiya qurban danabû
Behra hemû kesan jê nedabû

Pedşê min qedirand
Tiştek jê di afirand
Qalibê Adem Pêxember pê disitirand

Şêx dibêje:Aqûbo, her roj ku roj hiltê ye
Min destek Goşt ji te divê ye
Ne ji nêr çêbe ne ji mê ye

Aqûb dibêjit:Şêxê mino, her roj ku roj zeriqî
Nûr ji nûrê tifiqî
Şemhûnî kîb ji ber xuliqî

Şêx ji Aqûb di pirsîye?
Bi Mlikê Bêrîyê bo min bêjîye
Yê bi behrê xeniqî kîye
Yê ji berî xuliqî kîye
yê ji berî sitirî kîye

Aqûb dibêjet:Şêxê mino,
Aqûbê Mûsa bi destê te zebûne
Deng dike î nehîne
Yê bi behrê xeniqî Ferúne
Yê ji berî xuliqî şemhúne
Yê bi berî sitirîn her heft mêrên kafêne

Şêx dibêje: Aqûbo,hey cerg reşo
Tu bi van ménîyan mebe serxweşo
Helaliya xwe bi heramîya xelkê mefroş

Aqûb dibêje:Şêxê mino, em li ba te dikirin
Bi saf û (heybete) te difikirin
Helaliya xwe bi hermîya xelkê ne didirin

Şêx dibêje: Aqûbo, çendî em û qelenderin
Bi maneyî û bi xeberin
Em dizanin alimên vê dinyayê çend qederin
Jibilî Şêx Fexrê Adîya hûn hemû werin

Şêx dibêje: Aqûbo, kelat û ber kelat
Agirek we tê helat
Li ber sotî çiqas çiya, deşt û welat

Aqûb dibêje:Şêxê mino, dilê min kela nijî
Agirek ê tê gurmijî
Li ber çiqas welat û cî

Şêx dibêje: Aqûbo, fikirîm li ser fikrekê
Dama bûn bi umrekê
Sedûbîstûçar hezar bikirî dîtin bikirekê
(Ez fikirîm di wê fikrê de
Da mabûm di wê emrê de
Min jî bîstûçar hezar bukur
Dîtin di bukrê de).

Şêx tê xeber xoşdivê ye
Sor, sipî û reşdivê ye
şeşû şeşû şeşdivê ye

Aqûb dibêje:Şêxê mino, şeşwê di serî re
·eşwê di gergehê mîr re
·eşdane xelkê êrif,zana û jîre

Şêx tê xebera hind divê
Sor û sipî û reşdivê
hind, hind û hind divê

Aqûb dibêje:Şêxê mino, Hind wê li erd li rewa
Hind wê li ezmanan li hewa
Hind wê li çare rewa
Şirûteke Şêx Fexirê Adîya jê ewe

Şêx dibêje: Aqûbo, wextê min borê xwe lebisand
Min bire meydana melikan reqisand
Min bi herfekê Aqûbê mûsa tirsand

Aqûb dibêje:Şêxê mino,
Hey Şêxo ji mala Şêx şerefe
Tu xudanê kitêban û mishefe
Ê wekî Aqûbê Mûsa çîye,
·êx Fexrê Adîya li gel bikete gefa

Şêx dibêje: Aqûbo, wextê min xwe hilkende
Min li ber kir tukan û zende
Wê rojê min li Aqûbê Mûsa birîbû derbende

Aqûb dibêje: Şêxê mino,Ez Aqûbê mitirbim
Ez hetime dê li vir bim
Heta roja qiyametê li ber qedemgeha
Şêx Fexrê Adiyan bi xwe pir bim

Şêx di bêje: Aqûbo,hindo
Hey qutbo giran reco
Tu ji kengî ve bi vê marîfetê hisyo

Aqûb dibêje:Şêxê mino, hindek û hindo me
Heger sed car
Top û cebilxane bidin dûme
Ji hingî û vir ve bi vê marîfetê bûme

Şêx dibêje:Aqûbo,ji hind heta bi atiqate
dê kivanek li te kim xelate
dikrê wî biçe welet ber welate

Aqûb dibêje:Şêxê mino,
Kevanê bi dey min dîm ji heqîyê
Ne ji hişk bê
Gelek aşig te hebin bar û pişk bê

Şêx dibeje:Aqûbo, dê kevanek li tekim ney reza
pê me nekefte pê merza
(Pê nekeve pê nere)
Da sivore xwe veneşêrin li derza

Aqûb dibêje:Şêxê mino,
Kevanek di deye min çend qenderbê
Dermanê wî ji tuwa zer bê
Cotek bizmê li ber bê

Şêx di bêje:Aqubo, hewe roja kufir li belaye
Heger fereca Xwedê û Şêx Fexrê Adîya ne digehayê
Ewê rojê Aqûbê Musa ne dibû ji bedena dayê

Aqûb dibêje:Şêxê mino,
Hewa roja kufir gehiştê
Heger fereca Xudê û Şêx Fexrêr Adîyan ne digehiştê
Aqûbê Mûsa ne di bû ji piştê

Şêx dibêje:Aqûbo, pira siratê zere
Te bihin ji bixûr, misk û enbere
Dîndara Siltan Êzî ya bi male û bi sere

Aqûb dibêje:Şêxê mino,pira siratê keske
te bihin ji bixûr û enbere û miske
Dîndara Siltan Êzî ya bi male û bi rizqe

Çêrek ji yên mérîfetê
Nefesek ji yên heqîqetê
Şêx ji Aqûb razî bû bi vê xilmetê
Îro bo dinê sibê bo banga axretê

Em di kêmîn Xudê yî temame