Miştaqê sê bor im
Xewasê behrêt kûr im
Ji Adîya ezî bi mişûr im

Şikestîme besta min ji malêt mîr a
Hey hesedo xadimê pîr a
Firwara min bi xelkê êrif ê zana ê jîr a

Xelkê êrif ê zana wer in
Li beyana bifikr in
Bo xwe nisîheta ji vî qewlî hilgir in

Bo xwe hilînin nesîhet ê
Wa derkeftiye mişûran û xet ê
Mêr yî xilase bi xilmet ê

Hûn li xilmetê ne di kislan bin
Li xêr û xêrata kirî ne dipoşman bin
Da li axretê ne disefîh û sergerdan bin

Xêrekê bikin ji xwedê re
Kirnekê bikin bi rê re
Da ne yî gîro bî bi nefsê re

Bila hûn ne gîroyît nefisê bin
Ne pîverêt rê bin
Da li axretê negirtiyêt hebsê bin

Qence hûn di pir wesfet bin
Ne bi mûkir ne bi hîlet bin
Da li axretê li ber pedşê xwe ne di bê îzet bin

Ne bi hîlet bin ne bi mûkir
Di hur bin bi bukir
Di rû sipî bin bi nav û dikir

Di rû sipî bin ya sûnî
Borê calix metanî
Ji hindirû paqişke denî

Borê calix me hebîn in
Hûn çendê di meîzyn in
Telpêt giran şûnda nemîn in

Borêt calix ne di çên e
Lixafêt sebrê ne dilên e
Ji xirabîyê çare pên e

Borêt calix me seyîr in
Hûn çendî tên difikir in
Ew zû xwedanê xwe li meydanê diêxîn in

Bila borê tey kihêl bê
Suxmetekî bi tîmar bê
Da li axretê xebereke fehişnekî, betal bê

Bila xebera te neye fehişbî
Li dîwanêt xasa tû ne li paşbî
Da li axretê li ber pedşê xwe ne yî bê maşbî

Bila borê te yî rêber bê
Bila lixafê sebrê li ser bê
Tû goykerî goy li ber bê

Heke tû koykerî here goyê li meydanê li kaşoy
Heke tû maşxwerê mîrê xwey
Keremke here û dêy ew dibî

Keremke here meydan ê
Bila borê te yî xûrtbe li vê lêkdan ê
Heke tû maşxwerê mîrê xwey keremke here dîwan ê

Sebir bo mêra erkaneka çê ye
Tirs silametiya rê ye
Nasbûnî çirayê neqlê ye

Sibrê ji xwere rêzan ke
Rastîya xwe tê beyan ke
Rastyê li behrêt giran melevan ke

Rastî û marîfet e
Hincî mîrê sax yî bi terbiyet e
Ew li axretê sur boşekî bi taqet e

Me êk divê yî sûr poşbî
Netebayî xelkê poşbî
Ne erzan dûr firoşbî

Erzan mefroşe dûr e
Mebe bazara cihêlan û kur e
Ew zû bang didin li sur e

Nabe li sura bang didêrî
Hincî rêya Êzî bibînê û bike enkêrî
Ew maşê zebêniya bi destê kesekî ve nasipêrî

Me êk divê yî sax bê
Yî bê sûc, yî bê gûneh, yî bê binas bê
Dixofêda sunî xilas bê

Tû rûnê di xofê de
Sê bor banetne vilê de
Rast pajo û here pê de

Me êk divê yî bi ser bê
Li ebadetê yî fer bê
Ne pir gûtinê dû xeber bê

Ji wan mebin dû xeber e
Ecêb mebin li ser e
Da hûn li axretê nebin dizêt xeber e

Bila hûn li xebera ne di casûs bin
Li diwanê ne wek kabûs bin
Da sibey li axretê li ber padşê xwe ne di bê namûs bin

Megerên li pişt dîwar a
Gûhê xwe medine peyvêt cînar a
Da li axretê şûna wan peyva li gûhê we nedin bizmar a

Bêjme we ya mişûran û xetan
Etles nabine kitan….
Kesî nedîtîye baz bigrin betan

Nefsa kibar mare belê
Hinciyê kivanê qûdretê biser de pal ê
Da we bibine wan cîya, her holeke wan bi hezar ê

Da we bibine wan dergeha wan cîya
Li wan olîya
Ew cîyê xasan û welîya

Da we bibine wan serîr a
Li wan dergehêt mîr a
Sed xwezme li wê ruhê ne êşandî,
Hosta, Merebî, Şêx û Pîr a
Da li axretê bibine cînar bi xasan re

Ji wan nebin beyan li betir
Nekin şolêt bê aqil
Bo mêrî çake edeb û aqil

Ji wan nebin mişemirêt mebdeya
Rê bi rastîyê dibe xuya
Bo jinê çake hisn û heya

Ez ne bînim hisnê bê heya
Gava qehrê hemû çû bê fêdeye
…………..

Heya ji hisnê der dibê
Wekî rezekî bê ber dibê
Xudan li axretê bê mefer dibê

Aqil hîdayet e
Hincî mêrê bê terbiyet e
Ew ruhe li ba padşayê xwe bi îzet e

Min dît hê wişm ê
Ez çûm ne gehiştm ê
Yeqîn xilmeta min ye kêmbû, lew ne gehiştm ê

Heke énkara mêrê koçek e
Gav yî bi kaze û gav yî bi çek e
Melek Fexredîn xilmeta wî qebûl nek e

Hincî ciwanî li rê ye
Hemû kiryarêt wî çê ye
Ew dayîm hebîbê xwedê ye

Li ba êrifa we dibîn e
Hincî dilê rehma Xwedê tê ne
Ew ne ji xelkê behiştê ne

Li ba êrifa we diyar e
Hincî dilê bi xezebe û bi jehr e
Ewî mala xwe avakiriye bo dûpişkan û mar e

Hesed bijî têr bijî
Hincî dilê ji rehma Xwedê dibû tijî
Ewî mala Xwe avakiriye bi destê xwe, bixwe nijî

Bêjme we ya filan
Hûnin rezvanêt sêvan û gulan
Bi xof û tirsin li hemû deran

Li hemû deran bi xof û tirsîn
Li dîwanêt xasa pirsiyaran pirsîn
Da li axretê ber padşê xwe hûn bi hesilîn

Derwêşê min yî qelender e
Geriya bû der bi der e
Eyneta li dil qeda wê li ser e

Em di kêmin Xwedê yî temam e