|
Pedişê min yî sultan e
Dahirkir qedîbilban e
Kire pîrê Masekan e
Pedişê min yî sultîn e
Dahirkirbû qedîbilbanê miskîn e
Ew ne yî hewcey çi mishefan û yasîn e
Mêran û dilî
Medeha bidin ji ewilî
Qedîbilbanê Mûsilî
Qedîbilban lawekî kir bû
Xudanê îlmê pir bû
Ji batin de yî bi sur bû
Qedîbilban yî çê ye
Wê dixûnit elf û bê ye
Qafî du bûn kirne sê ye
Dayika êrife û zan e
Girtibû destê Qedîbilban e
Dibe cem melan e
Dayik dibêje mele
Êmanet ev kur e
Tu baş terbiyet bik e
Mela rabû yê bi gef
Şif hilanî bi kef
Qedîbilban bêje elif
Elif navê mîr e
Ne bêje Qedîbilban yî sexîr e
Berî te bi vê herfê yî xebîr e
Mela dibêjitê, bêje bê
Qedîbilban dibêjit ê
Bi hîmeta êk yî bêrî
Tu keftiye di nav pencên şêrî
Heke te aqil hebit tu dê zû spêrî
Mela dibêjtê Qedîbilban
Ta: Te lipê êkî çê bî
Dayim mêra sidiq û îman û heya li pê bî
Mela dibêjtê Qedîbilban
Sîn: Sura cîd e
Ew sura Qedîbilban dît e
Mela ji wê surê yî be´îd e
Mela dibêjtê Qedîbilban
Zay:Zeyneta dilî
Tu hesay bîne li ser aqilî
Te(zerb) ne dîtî ye lew tu na xûrcilî
Mela dibêjtê Qedîbilban
Bi hîmeta bîrî ye
Heke tu bizanî meseb ê
Tu pê di peristî kî ye
Mela we dibêje:
Wextê qalibê Adem pêxember çêkir
Û bi ser, dest û pê kir
Ew kî bû kasa qudretê lê kir
Qedîbilban we digot e
Wextê qalibê Adem pêxember çêkir
Bi ser û dest û pê kir
Tawus melek bû kasa qudretê lê kir
Ewan îlmê xwe di heyotin
Mele cot cot digotin
Qedîbilban çar çar di verotin
Mela mabû li mat ê
Leşê mele lerzînkek hat ê
Mela nemabû biket hikyat ê
Mela mabû heyîrî
Didilê xweda mabû kewgirî
Çû mizgeftê êwirî
Çî cêşekî qewî ye
Qedîbilban dît û nasî ye
Ew cêşê Şêxadî ye
...............
............
................
Mela rabû helwest a
Ewî pê dana ser pê
Û dest dana ser dest a
Got:Ya Qedîbilban ew kerem
Û marîfet li ba te bû mest e
Mela mabû li wê ye
Dest dana ser dest
Û pê dana ser pê ye
Got:Ese kerema mêra ji ba Xwedê ye
Mela deng diket bi xwe ye
Ev kerem û merîfet li ba te he ye
Tu çima min nakeya mirîdê xwe ye
Mela mabû li mang ê
Dest havîte daman û dang ê
Got:Tu min xilasbike ji vê ezab û astang ê
Mela hêwirî û dibêjî ye
Heqiya min Şîxadî ye
Û pîrê min Qedîbilban e
Em di kêmim û Xwedê yî temam e
|
