|
Bi distûrî xudanê mal ê
Dilê min mabû li vê xiyal ê
Hûn birên in hukmê siltan Êzî û vê sal ê
Eve bû sala serê Êcêb a
Vekin derê defteran û kitêb a
Li hukmê siltan Êzî mekin lêb a
Lêba li hukmê siltan Êzî mekin
Derê defteran û kitêban vekin
Heke ne hukmê siltan Êzîye,
serê min bi oxleme kin
Gelî mêra bêjme we ji Êqîn e
Melik Şesmsedîn borê wî yî bi Zîn e
Qasidê siltan Êzî ezîz melik Fexredîn e
Mêr dibêjin we ye
Xundikar ney li ser textê xwe ye
Wê çûye cengî Şa ye
Şah di bêje Xan e
Dê ji ser textî rabê Osman e
Li ruyê vê meclisê dê bite hûkmê Mehdî Zeman e
Aşiqo yî felek e
Deng li xan qoçêt xwe ke
Hukmê te yî betale, emrê te ne geleke
Aşiqo yî derwêş
Tû li vê surê bike teftêş
We´de hatîye siltan Êzî,
dê tesmîlî axê feqîra Ket textê Qezilbêş
Aşiqo deng diket bi zêro
Tû li vê surê bike sexbêro
We´de hatîye siltan Êzî,
dê tesmîlî axê feqîra ket textê xundkêro
Aşiqo deng diket bizar e
Tû li vê surê bike pisyar e
We´de hatîye siltan Êzî,
tesmîlî axê feqîra biket textê xundkar e
Temam bû we´dê din ê
Hûn bora girêdin bi taqet ê
Goy reva bû melik Şêxsin xûdanê sidq ê
Temam bî we´dê heqîqet ê
Hûn bora girêdin bi taqet ê
Goy reva bû melik Şêxsin xûdanê sedqê û xilmet ê
Tamam bû hind û hezar e
Alim bûne hûsindar e
Ewê rojê feqîra li hizûra siltan Êzî mey vedixwar e
Hind û hezar di heret e
Alim bûne cimlet e
We´d hatîye Siltan Êzî,
tesmîlî axê feqîra biket Maş û Berat û Xet e
Cêşek rabû yî ber berî erş a
Siltan Êzî bi destê xwe ji binî hilweşand a
Dê nijyar ket Mamed Reş a
Ew bû cêşê bilind e
Siltan Êzî hilweşand bû ji bin de
Dê nijyar ket qere Şêxmend e
Ew bû cêşê mezin e
Siltan Êzî hilweşand bû ji bin e
Dê nijyar ket melik Şêxsin e
Ew bû cêşê kibîr e
li her dû mila kêşabûn şîr e
Ewê rojê li navberê sekinî siltan Êzî
Axayê min û çendî feqîr e
Cêşek rabû ney ji qanûn e
Şaş pêça wan wekî ya ferûn e
Derwêş qutik dê wan ketin zebûn e
Hûn me bêjin derwêşî qutik e
Her çi Êrdê bi çimê li nik e
Her çi mêrê li qewlê Şîxadî li deftera,
Melik Fexredîn yî bi şik e
Ew dê roja axretê çi li halê xwe bike
Em di kêmîn Xwedê yî temam e
|
